តាមស្តាប់មតិយោបល់របស់សម្តេច នាយករដ្ឋមន្រ្តីហ៊ុនសែនទៅ គាត់នៅប្រើនយោបាយ ទូកក្តោង នៅឡើយ គឺធ្វើនយោបាយ តាមជំនោរខ្យល់ តែមិនមែនខ្យល់ព្យុះភ្លៀងផ្គរនោះទេ គឺខ្យល់រដូវធម្មតា ដែលអាចរុញទូក ក្តោងគាត់ អោយទៅមុខបាន ដែលគាត់ អាចចែវទូកក្តោង របស់គាត់តាមបាន គឺទៅតាមអារម្មណ៍របស់គាត់បើ ដែលអាចទទួលបាគាត់មិនចង់ទទួលសំពៀត ខ្យល់ខ្លាំងមកពីក្រៅទេ បើមានសំពៀតខ្យល់ខ្លាំង គាត់មិនចែវឬបើកទូកក្តោងគាត់ទេ គាត់ច្បាស់ន គឺជាអែបកៀនសម្ងំហើយ រហូតដល់ ស្ងាត់បានគាត់ទៅមុខទៀត គឺគាត់អត់ មានបច្ចេកទេស ទំនើបសម្រាប់ប្រើ ក្នុងការបញ្ជាទូកក្តោង របស់គាត់ទេ…។

ហើយមួយទៀត គាត់និយាយអំពីអត្តចរិត របស់គាត់គឺអញ្ចឹង តើរឿងនេះវាជា អត្តចរិតរបស់គាត់មែនទេ បើតាមការសិក្សា ស្វែងយល់ទៅ វាមិនប្រាកដជា អត្តចរិតរបស់គាត់ទេ តែវាជាបច្ចេកទេស តម្រិះវិជ្ជា ឬ ការសិក្សាអបរំ ដែលគាត់មានត្រូវជាង ពីព្រោះថា គាត់មិនអាចទទួល ការទិទៀនឬសំពៀតពីក្រៅបានទេ គឺគាត់ មិនអាចឆ្លើយតប ទៅវិញទៅមកបានទេ គឺគាត់ដឹងតែពីខឹង នៅពេលគេទិទៀនម្តងៗ អញ្ចឹងហើយ បានជាគាត់ ចង់ធ្វើការតែជាមួយខ្មែរគ្នាឯង វាស្រួលជាងធ្វើការជាមួយបរទេស។ ចំណែកខ្មែរគ្នាឯងនោះ ទៀតសោត ក៏មានកម្រិតដែរ មិនមែនចេះតែ ធ្វើបានទួទៅ ទាំងអស់នោះទេ បើគាត់អត់មានកម្រិតទេ គាត់អាចស្វាគមន៍ពីគ្រប់ មជ្ឈដ្ឋានទាំងអស់ហើយ។ នៅពេលមានសំពៀតខ្លាំង គាត់តែងតែបញ្ចេញ កម្លាំងបាយ គឺធ្មុងឬកងទ័ពរបស់គាត់ ស្ទើរគ្រប់ពេលវេលាទាំងអស់ ដូចបានឃើញស្រាប់ហើយ…។

ចូរពិនិត្យមើលបច្ចេកទេស ក្នុងការប្រើកងទ័ព ឬ កងសន្តិសុខរបស់គាត់ ទប់ទល់នឹងបង្រ្កាបបាតុករ គាត់អត់ប្រើ តាមសន្តិវិធីទេ តែគាត់ប្រើហឹង្សាតែម្តង គឺវាយបង្ក្រាបយកស្លាប់រស់តែម្តង បើមិនបែកក្បាល សន្លប់ស្តូកស្តឹងទេ មិនសុខចិត្តទេ គឺវាយហើយវាយទៀត ឈាមហូរពេញខ្លួនហើយ ក៏នៅតែវាយដែរ សំពះអង្វរយ៉ាងម៉េចក៏នៅតែវាយដែរ។ បើព្រៀបធៀបប៉ូលិសនៅអាមេរិក គេវាយដែរគេវាយទប់ៗ តែគេមិនវាយបំបែកក្បាលទេ តែគេវាយជើងដៃ ហើយគេចាប់ផ្តួលដាក់ខ្នោះតែម្តង គេចាប់ច្រើនមែន តែគេមិនវាយធ្វើបាបទេ ប៉ុន្តែមានខ្លះដែរ ដែលធ្វើខុសបច្ចេកទេស បើធ្វើខុសគេដាក់ទោស ហើយគេ មិនអោយ រួចខ្លួនទេ នេះជាច្បាប់…។

ធ្វើនយោបាយតាមជំនោរខ្យល់ ឬ យើងអាចហៅបានថា “នយោបាយទូកក្តោង” នយោបាយនេះធ្វើតាម ខ្យល់បក់បោក តែមិនមែនធ្វើតាម តម្រិះនៃការរៀនសូត្រចេះដឹងដោយខ្លួនឯងទេ ហើយពាក្យមួយទៀត គេហៅថា “នយោបាយហៃអើ”  គឺហៃអើតាមតែគេឱ្យនិយាយឱ្យថា ហើយពាក្យមួយទៀត គេហៅថា នយោបាយសត្វសារកាកែវ គឺសត្វសារកាកែវ តែងតែនិយាយតាម ត្រាប់តាមមាត់មនុស្ស ឬ សត្វ ដែលបាន បញ្ចេញវាចានៅក្បែរខ្លួន ដែលខ្លួនបានស្តាប់ឮ តែមិនបានសិក្សាស្រាវជ្រាវ ឱ្យបានច្បាស់លាស់ទេ អ្នកធ្វើ នយោបាយបែបនេះ គឺគ្រោះថ្នាក់ណសស់ គឺពួកគាត់ធ្វើដោយប្រថុយប្រថាន មិនបានពិចារណា ឱ្យបាន វែងឆ្ងាយ ថាតើចំណេញយ៉ាងណា ខាតបង់យ៉ាងណា ។ ពួកគេគិតតែប្រយោជន៍ផ្ទាល់ខ្លួន ក្រុមគ្រួសារ របស់ខ្លួន និងបក្សពួកខ្លួន គឺមិនបានគិតដល់ប្រទេសជាតិ របស់ខ្លួនជាធំ មិនបានដឹងថា ការរស់នៅក្រោម របបអាណានិគមន៍ របស់គេពិបាកយ៉ាងនោះទេ គឺមិនខុសគ្នានឹង ទៅរស់នៅជាមួយ គ្រួសារអ្នកដទៃឡើយ ។ ខ្មែរកម្ពុជាក្រោម ពួកគាត់បានដឹងច្បាស់ណាស់ ថាតើរស់នៅក្រោមរបបយួន កាន់កាប់វាលំបាក យ៉ាងណា ពួកគាត់ដឹងហើយ គឺវេទនាណាស់ ចង់អ្វីក៏មិនបាន ចង់រៀនសូត្រ ភាសារខ្មែររបស់ខ្លួន ក៏មិនបាន ចង់គោរពទំនៀម ទំលាប់របស់ខ្លួន ក៏មិនបាន  ចង់កាន់និងគោរព នៅសាសនាខ្លួន ក៏ពិបាក គេមិនអនុញ្ញាត ឱ្យគោរពប្រតិបត្តិ បានស្រួលឡើយ គេគៀបគេសង្កត់គ្រប់បែបយ៉ាង ។ល។ សូមអស់ លោកជាខ្មែរគ្រប់រូប គិតពិចារណា ឱ្យច្បាស់លាស់ មុននឹងសម្រេចចិត្ត គាំទ្រគណបក្សណាមួយ ដែលនាំ ឱ្យគ្រោះថ្នាក់ និង អន្តរាយ ដល់ប្រទេសជាតិខ្មែរ  !!